Poetry Map of Scotland: poem no. 413

Lumphinnans!

Atween the Tollie Hill an the auld coal bing –
Lumphinnans!

Atween the Swans’ Pond an the Foulford Burn –
Lumphinnans!

Atween the railway line an the main road –
Lumphinnans!

Atween Cowdenbeath an Logelly –
Lumphinnans!

Atween black clouds abune, black coal ablow –
Lumphinnans!

Atween the prefabs whaur I grew up
an the ‘care village’ that they’ve built there nou –
Lumphinnans!

Atween Heiven and Hell –
Lumphinnans!

Atween youthheid and eild –
Lumphinnans!

Atween whaur I cam fae and whaur I’m gannin -
Lumphinnans!

Atween memory and the end o memory –
Lumphinnans!

Atween life an daith –
Lumphinnans!

Robert M Duncan

View our full map of Scotland in Poems as it grows »

For instructions on how to submit your own poems, click here

All poems from our Poetry Map of Scotland  are subject to copyright and should not be reproduced otherwise without the poet's permission.