Poetry Map of Scotland · poem no. 331
The Stane in the Fish in the Boat in the Bay
(A poem/song in Scots for five voices)
1st Voice:
Oot in the bay,
the pearl-grey bay
there’s an auld fisher boat
a-rockin’, a-rockin’,
a-rockin’ a’ the fair-weather day
in the pearl-grey bay.
2nd Voice:
In the auld fisher boat
that will ever aye float
there’s a ticht green net
a-stretchin’, a-stretchin’,
a-stretchin’ like a wee kitten’s coat
in the auld fisher boat.
3rd Voice:
In the ticht green net
that’s ever aye wet
there’s a siller-blue fish
a-wrigglin’, a-wrigglin’,
a-wrigglin’ in a fast dance set
in the ticht green net.
4th Voice:
In the siller-blue fish
that will grant ony wish
there’s a mottled moonstane
a-gleamin’, a-gleamin’,
a-gleamin’ like a bone china dish
in the siller-blue fish.
5th Voice:
In the mottled moonstane
as bright as sheep-bane
there’s a pearl-grey bay
a-sparklin’, a-sparklin’,
a-sparklin’ like a star a’ alane
in the mottled moonstane.
All Voices:
Oot in the bay
the pearl-grey bay
there’s a new fisher boat
a-rockin’, a-rockin’,
a-rockin’ a’ the fair-weather day
in the pearl-grey bay.
John Rice